Joqarı oqıw orınları sistemasında zamanagóy bilimlendiriw texnologiyalarına tiykarlanǵan oqıw baǵdarlamaların engiziw boyınsha aldınǵı shet el tájriybelerin úyreniw, dene tárbiyası hám sport tarawı ushın jetik kadrlar tayarlaw, bilimlendiriw sistemasında ashıqlıq-áshkaralıqtı rawajlandırıwǵa kómeklesiw maqsetinde Úrgensh mámleketlik universitetine sport tarawında kóplegen ilimiy jumıslar alıp barǵan hám bul islegen miynetleri arqalı dúnya júzilik olimpiyada háreketlerine úlken úleslerin qosqan Ukraina Ilimler akademiyası aǵzaları, professorlar V.N.Platonov hám M.M.Vulatovalar mirát etilgen edi.

         Mirát etilgen professorlar menen universitettiń mádeniyat sarayında Úrgensh mámleketlik universiteti rektoratı, dene mádeniyatı fakulteti professor-oqıtıwshıları, student jaslar, Sport klub, Xorezm wálayatı Joqarı sport sheberligi mektebi, Balalar hám óspirimler sport mektebi, Sport federaciyasınıń trenerleriniń qatnasıwında ushırasıw shólkemlestirilgen edi.

         Shólkemlestirilgen ushırasıwǵa Ózbekstan mámleketlik dene tárbiyası hám sport universiteti Nókis filialınanda professor-oqıtıwshılar qatnasıp Ukraina Ilimler Akademiyası aǵzaları, professorlar V.N.Platonov hám M.M.Vulatovalar menen tájriybe almasıp qayttı.

Filial Baspasóz xızmeti.