Filialdıń Jaslar menen islesiw, ruwxıylıq hám aǵartıwshılıq bólimi hám Jaslar awqamı menen birgelikte Ózbekstan mámleketlik dene tárbiyası hám sport universiteti Nókis filialı 1-kurs studentleri arasınan filialdıń “Zakovat” saylandı komandasına ziyrek aǵzalardı saylap alıw maqsetinde “Zakovat” intellektual oyını bolıp ótti.

Shólkemlestirilgen bul intellektual oyınǵa filialdıń 1-kurs studentleri arasınan “Bigstep”, “Intellektual”, “Jas psixologlar”, “Gerkules” hám “Turan” komandaları óz-ara bellesti.

Komanda aǵzalarınan ziyreklikti hám shaqqanlıqtı talap etetuǵın bul intellektual oyın juwmaǵında 1-orındı “Bigstep” komandası aǵzaları, 2-orındı “Intellektual” komandası aǵzaları hám 3-orındı “Jas psixologlar” komandası aǵzaları jeńip aldı.

Oyın juwmaǵında jeńimpaz komandalar hám belsene qatnasıwshılar shólkemlestiriwshiler tárepinen Húrmet jarlıǵı hám estelik sawǵaları menen sıylıqlandı.

Filial Baspasóz xızmeti.