Taqıyatas rayonlıq Xalıq bilimlendiriw bólimine qaraslı 12-sanlı ulıwma orta bilim beriw mektebiniń pitkeriwshi klass oqıwshıları usı mekteptiń Baslanǵısh shólkem jetekshisi hám Úgit-násiyatshısınıń basshılıǵında Ózbekstan mámleketlik dene tárbiyası hám sport universiteti Nókis filialınıń ishki imkaniyatları menen jaqınnan tanısıw maqsetinde filialımızda miymanda boldı.

         Filialdıń ishki imkaniyatı menen jaqınnan tanısıw maqsetinde kelgen mektep oqıwshıları filialımız basshıları tárepinen jıllı júzilik penen kútip alındı hám olar filialımızdıń Jaslar menen islesiw, ruwxıylıq hám aǵartıwshılıq bólimi baslıǵı B.Sabirov hám Jaslar awqamı baslanǵısh shólkemi jetekshisi I.Jaqsımuratovlar tárepinen oqıw ornındaǵı student jaslardıń bilim alıwları ushın jaratılǵan imkaniyatlar menen jaqınnan tanıstırıldı.

Yaǵnıy, olar dáslep filialdıń málimleme resurs orayı, oqıw zalı, kompyuter, biologiya páni, ximiya páni laboratoriya xanaları menen jaqınnan tanıstı.

– Meniń jeke ózimde usı oqıw ornında oqıw niyeti payda boldı. Sebebi, student jaslardıń tıyanaqlı bilim alıwları ushın bul oqıw dárgayında derlik barlıq múmkinshilikler jaratılǵan eken. Házir birge usı oqıw ornınıń ishki imkaniyatları menen jaqınnan tanısıw maqsetinde kelgen doslarımnıń hámmesi usı oqıw ornında oqıwdı qálep qaldı. Sebebi, bul dárgayda jaratılǵan imkaniyatlardan durıs paydalanıp chempion bolǵan student jaslardıń sanı júdá kóp eken. Jeke ózimde usı oqıw ornında oqıw niyeti payda boldı,-deydi mektep oqıwshılarınan biri biz benen oqıw ornımızdan alǵan tásirlerin birge bólisip.

Studentlerdiń oqıw barısı hám erisip atırǵan jetiskenlikleri haqqında keń túrde maǵlıwmatlarǵa iye boldı. Oraylıq «Turan» stadionınıń, valeybol, boks zallarınıń ishki imkaniyatları menen jaqınnan tanıstı hám bul arnawlı sport orınlarında shınıǵıwlar alıp barıp atırǵan student jaslardıń sabaq ótiw barısınıń guwası boldı.

Filialdıń ishki imkaniyatı menen jaqınnan tanısıw maqsetinde kelgen mektep oqıwshılarınıń hár birinde keleshekte usı oqıw ornında oqıw niyeti payda boldı hám jaqsı tásirler menen úylerine qayttı.

Filial Baspasóz xızmeti.