Hayal-qızlar arasındaǵı hár qıylı kemsitiwlerge, jınısıy qullıq, basqada zorlıq hám zorlawlarǵa shek qoyıw ushın búgingi kúnde dúnya júzi xalıqları qarsı gúrespekte. Yaǵnıy, Birlesken Milletler Shólkeminiń Bas Assambleyası tárepinen qabıl etilgen rezolyuciyası boyınsha pútkil dúnya júzinde «25-noyabr – Hayal – qızlarǵa qarata isletilgen zorlıqqa shek qoyıw xalıqaralıq kúni» hám «Zorlıqsız 16 kun!» akciyası sheńberinde Ózbekstan mámleketlik dene tárbiyası hám sport universiteti Nókis filialı student jasları arasında «Biz zorlıqqa qarsımız!», «Biz zorlıqtı birge jeńemiz!» súreni astında dógerek sáwbeti bolıp ótti.

Dógerek sáwbetin filial direktorınıń hayal-qızlar máseleleri boyınsha másláhátshisi B.Allambergenova kiris sóz benen ashtı hám basqarıp bardı hám ol óz sózinde zorlıq hám zorlawshılıq bul eń jaman illet ekenligine ayrıqsha toqtap ótti. Bunnan soń Qaraqalpaqstan Respublikası Ádillik ministrliginiń bas másláhátshisi N.Qutlımuratova sózge shıǵıp, ol óz sózinde hayal-qızlarǵa zorlıq isletilgende nızamlı túrde qanday sharalar kóriletuǵınlıǵın hám zorlıqtan jábir kórgen hayal-qızlarǵa mámleketimiz tárepinen kórsetiletuǵın járdemler haqqında hám egerde, zorlıqqa ushıraǵan jaǵdayda qanday tártipte qay jerlerge múrajat etiw kerekligi hám múrájatlar nızamlı túrde neshe kúnde hám qanday tártipte kórip shıǵılatuǵınlıǵı haqqında student jaslarǵa keń túrde maǵlıwmatlar berip ótti.

Dógerek sáwbeti barısında student jaslar ózlerin qızıqtırǵan sorawlarına tiyisli taraw qánigesinen juwaplar aldı.

Filial Baspasóz xızmeti.