Qıs máwsiminiń baslanıp kúnlerdiń suwıtıwı menen jılıtıw úskenelerine bolǵan zárúrlik artadı. Jılıtıw úskenelerin máwsim aldı sazlıǵın bir qatar tekseriwden ótkergenimiz ózimiz ushın paydalı hám maqsetke muwapıq boladı. Al, eger hár qanday máwsimge tayarlıǵın kózden ótkergen jılıtıw úskenesinen paydalanıw payıtında onı itibardan shette qaldırsańız ol jerde iyis gazinen záhárleniw yamasa órt kelip shıǵıw jaǵdayları júz beriwleri múmkin.

         Házirgi kúnde Ózbekstan mámleketlik dene tárbiyası hám sport universiteti Nókis filialında studentler turar jayınıń joqlıǵı sebepli eki júzden aslam filial studentleri ijara shártnaması tiykarında ijarada jasap kelmekte. Olardıń jasaw jaǵdayların úyreniw hám turaqlı xabar alıp turıw maqsetinde tyutorlar menen birge arnawlı pán professor-oqıtıwshılarıda biriktirilgen.

Egerde ijarada jasap atırǵan studentlerdiń úylerinde gaz, toq, suw úskenelerinda qandayda bir nasazlıq shıqsa, dárhal tyutorlarımız hám biriktirilgen pán oqıtıwshılarımız barıp kelip shıqqan mashqala yaki kemshlikti tiyisli taraw qánigelerin shaqırıp saplastırıp berip kelmekte.

Túngi payıtlarıda ijarada jasaytuǵın studentlerdiń halınan xabar alıp turıw filialımız tárepinen jaqsı jolǵa qoyılǵan. Ijarada turatuǵın studentlerdiń halınan xabar alıw payıtında olarǵa jılıtıw úskenelerinen paydalanıwda itibarlı bolıw boyınsha túsindiriw jumıslarıda alıp barıladı.

Bunnan tısqarı filialdıń ózinde tez-tezden tiyisli taraw qánigeleri menen ushırasıwlar ótkerilip turılmaqta.

         Álbette, waqtında orınlanǵan tapsırma hám waqtında saplastırılǵan mashqala hám waqtında alıp barılǵan úgit-násiyat jumısları hár qanday júz beriwi múmkin bolǵan kewilsiz hádiyselerdiń aldın alıwda tiykar boları anıq.

         Filial Baspasóz xızmeti.