Átirap-aymaǵıń taza bolsa, súysinip jumıs islewiń tábiyiy jaǵday ekenligin jaqsı bilgen Ózbekstan mámleketlik dene tárbiyası hám sport universiteti Nókis filialınıń miynet jámááti ishki imkaniyatınan kelip shıǵıp, biraz remont talap etip turǵan «Boks» hám «Voleybol» zallarında jeńil ońlaw jumısların alıp bardı hám bul zallarda turaqlı shınıǵıwlar islep atırǵan student jaslarǵa jaqsı sharayatlar jaratıldı.

         – Bizler turaqlı shınıǵıwlar alıp barıp atırǵan sport zallarımızdıń jeńil remonttan shıǵıwı, bizler ushın úlken jańalıq boldı. Sebebi, sport shınıǵıwların isleytuǵın orınnıń tazalıǵı sizge jaqsı keypiyat baǵıshlaydı. Súysinip trener-oqıtıwshılarımız benen shınıǵıwlar alıp barmaqtamız. Bunıń ushın oqıw ornımızdıń miynet jámáátine sheksiz minnetdarshlıǵımızdı bildiremiz,-deydi voleybol qánigeliginiń 1-kurs studenti Muxammedali Maratbaev

         Álbette, jaratılıp atırǵan bunday múmkinshilikler filialımızda bilim alıp atırǵan student jaslardıń keleshekte hár tárepleme jetik, maman, bárkamal kadrlar bolıp jetilisiwinde tiykarǵı tayanısh bolıp xızmet eteri anıq.

Filial Baspasóz xızmeti.