Ózbekstan Respublikası Prezidentiniń 2020-jıl 24-yanvar kúngi «Ózbekstan Respublikasında dene tárbiyası hám sporttı jánede jetilistiriw hám ǵalabalıǵına erisiw boyınsha is-ilájları haqqında»ǵı PF-5924-sanlı hám 2020-jıl 30-oktyabr kúngi «Salamat turmıs tárizin keń en jaydırıw hám ǵalabalıq sporttı jánede rawajlandırıw is-ilájları haqqında»ǵı PF-6099-sanlı Pármanlarınıń orınlanıwın támiyinlew, Respublikamızda futbol sport túrin rawajlandırıw, dene tárbiyası hám sporttı keń úgit-násiyatlaw arqalı insanlarda zıyanlı ádetlerge qarsı immunitetti qáliplestiriw, joqarı oqıw orınlarında tálim alıp atırǵan studentlerdiń qısqı dem alıs kúnlerinde professor-oqıtıwshılardıń sport sheberligin jetilistiriw maqsetinde hám Ózbekstan Respublikası Qurallı Kúshleri dúzilgeniniń 30 jıllıǵı hám Watan qorǵawshıları kúni múnásibeti menen Ózbekstan mámleketlik dene tárbiyası hám sport universiteti Nókis filialı basshıları, professor-oqıtıwshıları hám texnik xızmetkerleri arasında 1-sanlı Balalar hám jas óspirimler mektebinde  sporttın futbol túrinen jarıs bolıp ótti.

Qızǵın bellesiwlerge bay tárizde bolıp ótken jarıs juwmaǵında “Jeke gúres hám tábiyiy pánler” kafedrası professor-oqıtıwshıları barlıq qarsılas komandalarınan ústin kelip jeńimpaz boldı.

Filial Baspasóz xızmeti.