Usı jıldıń 21-yanvar kúni filialda ilimiy iskerlikti ele de rawajlandırıw, professor-oqıtıwshılardıń ilimiy-izertlew jumısların jetilistiriw maqsetinde Ilimiy-izertlewler, innovaciyalar hám ilimiy pedagog kadrlar tayarlaw bólimi tárepinen seminar shólkemlestirildi. Bul seminarǵa «Dene tárbiyası teoriyası hám gumanitar pánler», «Sport oyınları», «Jeke gúres hám tábiyiy pánler» kafedralarınıń professor-oqıtıwshıları qatnastı.

Seminardı Ilimiy isler hám innovaciyalar boyınsha direktor orınbasarı, docent M.Aytımbetov ashtı hám alıp bardı. Ol seminar qatnasıwshılarına ilimiy-izertlew jumısların alıp barıw tártibi hám basqıshları haqqında keńnen tanıstırıp ótti. Sonday-aq, ulıwma tán alınǵan indeksaciyalanǵan maǵlıwmatlar bazalarındaǵı  ilimiy jurnallarǵa maqalalar tayarlaw hám járiyalaw tártibi haqqında túsinik berdi.

Seminar dawamında professor-oqıtıwshılar ózlerin qızıqtırǵan sorawlarına juwaplar aldı hám filialdıń ilimiy-izertlew nátiyjeliligin arttırıw hám ilimiy iskerlikti rawajlandırıw boyınsha pikir-usınısların bildirdi.

Filial Baspasóz xızmeti.