Studentlerge qolaylıq jaratıw, turaqlı jasaw orınlarınan bilimlendiriw mákemelerine qáwipsiz, tıǵızlıqlarsız jetip keliwi, orınlarda avia hám temir jol biletlerin almastırıw, studentler turaq jayları, ijara tiykarında jasaytuǵın studentlerdiń artıqsha qıyınshılıqlarsız ornalasıwın támiyinlew maqsetinde joqarı bilimlendiriw mákemelerinde oqıw processleri 7-fevraldan 24-fevralǵa shekem basqıshpa-basqısh dástúriy formatqa ótkeriledi. Usı dáwirde sabaqlar bir waqıttıń ózinde hám aralıqtan, hám dástúriy tárizde alıp barıladı.

Bul haqqında Joqarı hám orta arnawlı bilimlendiriw ministrliginiń baspasóz xızmeti xabar berdi.

Bul process hár bir joqarı oqıw ornınıń ishki imkaniyatları, oqıw procesiniń házirgi jaǵdayı, barlıq sharayatların esapqa alǵan halda ayrıqsha joba-grafik tiykarında ámelge asırıladı. Bul haqqındaǵı maǵlıwmatlar hár bir oqıw ornınıń rásmiy veb-saytı hám sociallıq tarmaqlardaǵı kanalları arqalı berip barıladı.

Joqarı hám orta arnawlı bilimlendiriw ministrligi 24-fevraldan baslap oqıw orınlarında oqıw processleri tolıq dástúriy formatta alıp barılıwın málim etti.

Qaraqalpaqstan xabar agentligi.