Jámiyetimizde social-mádeniy ortalıqtı salamatlastırıw, diniy keńpeyillikti hám milletlerara tatıwlıqtı bekkemlew. Jaslarımızdı ózlerine islam dinin nıqap etip alǵan hár qıylı diniy aǵımlarǵa qosılıp ketiwleriniń aldın alıw. Student-jaslar arasında jat illetlerge qarsı immunitetti qáliplestiriw. Sonday-aq, adam sawdası, náshebentlikke qarsı gúresiw, óz janına qast etiw, jınayatshılıq hám huqıqbuzarlıqlardıń aldın alıw maqsetinde Qaraqalpaqstan Respublikası Ministrler Keńesi Baslıǵınıń orınbasarı R.Saparbaev hám Ózbekstan Respublikası Minstrler Kabineti janındaǵı Din isleri boyınsha komitetitiniń Qaraqalpaqstan Respublikası aymaklıq basqarması qánigeleri B.Ayımbetova hám X.Nezamatovlardıń qatnasında usı jıldıń 4-fevral kúni Ózbekstan mámleketlik dene tárbiyası hám sport universiteti Nókis filialı hám Nawayı kánshilik institutı Nókis filialı bólim baslıqları, professor-oqıtıwshıları hám tyutorlar ushın «Jawızlıqqa qarsı aǵartıwshılıq» hám «Kiyiniw mádeniyatı» atamasında ushırasıw bolıp ótti.

Ushırasıw barısında tiyisli taraw qánigeleri ilaj qatnasıwshılarına ertengi kúngi elimizdiń keleshegi bolǵan student-jaslarımızdıń tálim – tárbiyasına itibarlı bolıwları kerekligi, ózlerine islam dinin nıqap etip alǵan hár qıylı diniy aǵımlarǵa qosılıp ketiwleriniń aldın adıwda itibarlı bolıwǵa shaqırdı.

Bunnan tısqarı usınday jaman illetlerge qosılıp ketken insanlardıń ómiri, náshebentlik, óz janına qas etiw hám huqıqbuzarlıq islegen aramızdaǵı ayrım insanlardıń ayanıshlı táǵdirleri haqqında keń túrde túsinikler berip ótti. Sonday-aq, islam dini haqqında anıq hám keń túrde maǵlıwmatlar berdi.

Iláj qatnasıwshıları iláj barısında tiyisli taraw qánigelerinen ózlerin qızıqtırǵan sorawlarına juwaplar aldı hám ózleriniń pikir usınısların bildirdi.

Tiyisli taraw qánigeleri tárepinen shólkemlestirilgen iláj qızǵın pikin-usınıslarǵa bay tárizde qızıqlı hám mazmunlı bolıp ótti.

Filial Baspasóz xızmeti.