Ózbekstan Respublikası Prezidentiniń qararı

Mámleketimizde hayal-qızlardı qollap-quwatlaw, olardıń arzıw-umtılısların ámelge asırıw, óziniń talantı hám ibratlı isleri menen jaslarǵa órnek  bolıp atırǵan, túrli taraw hám tarmaqlarda qábilet  hám imkaniyatların ámelge asırıp kiyatırǵan, tereń bilim hám intellektuallıq potencialın kórsetip, áhmiyetli ideyaları menen baslamaların alǵa qoyıp atırǵan, jámiyetlik turmısta belsendilik kórsetip atırǵan qızlardı múnásip xoshametlew maqsetinde:

1. Zulfiya atındaǵı Mámleketlik sıylıǵı komissiyasınıń Qaraqalpaqstan Respublikası, wálayatlar hám Tashkent qalasınıń talantlı qızlarınıń aǵla minezi, ayrıqsha talantı, ziyrekligi, intakerligi, oqıwdaǵı tabısları jáne bilimlendiriw, ilim, ádebiyat, kórkem óner, mádeniyat, sport tarawlarında hám jámiyetlik jumısta erisken ayrıqsha jetiskenlikleri ushın Zulfiya atındaǵı Mámleketlik sıylıǵı menen sıylıqlaw haqqındaǵı usınısları qosımshadaǵı dizimge muwapıq maqullansın.

2. Zulfiya atındaǵı Mámleketlik sıylıǵı menen sıylıqlanǵanlarǵa 8-mart – Xalıqaralıq hayal-qızlar kúni múnásibeti menen ótkeriletuǵın bayram saltanatlarında laureatlıq diplomları hám kókirek belgileri tapsırılsın.
3. Ózbekstan Respublikası Qarjı ministrligi Zulfiya atındaǵı Mámleketlik sıylıq iyeleriniń hár birine bazalıq esaplaw muǵdarınıń 50 esesi muǵdarında aqashalay sıylıq beriliwin támiyinlesin.
4. Ózbekstan Respublikası Prezidenti Administraciyası janındaǵı Málimleme hám ǵalaba kommunikaciyalar agentligi, Ózbekstan Milliy málimleme agentligi, Ózbekstan Milliy teleradiokompaniyası hám basqa da ǵalaba xabar qurallarına Zulfiya atındaǵı Mámleketlik sıylıq iyeleriniń ibratlı jumısı, olardıń ayrıqsha talantı hám erisken jetiskenliklerin keńnen sáwlelendirip barıw usınıs etilsin.
5. Usı qarardıń orınlanıwın qadaǵalaw Ózbekstan Respublikasınıń Bas ministri A.Aripovqa hám Ózbekstan Respublikası Prezidenti Administraciyası basshısı Z.Nizomiddinovqa júklensin.

Ózbekstan Respublikası

Prezidenti     Sh.MIRZIYoEV

Tashkent qalası,

2022-jıl 5-mart

* * *

Ózbekstan Respublikası Prezidentiniń

2022-jıl 5-marttaǵı PQ-155-sanlı

qararına qosımsha

Zulfiya atındaǵı Mámleketlik sıylıǵı menen sıylıqlanǵanlardıń

DIZIMI

Qaraqalpaqstan Respublikası boyınsha:

Maqsadova Zuxraxon Qahraman qızı  – Qaraqalpaq mámleketlik universitetiniń 2-kurs studenti

Orınbaeva Erkinay Quwanıshbay qızı   –   Nókis mámleketlik pedagogikalıq institutınıń 4-kurs studenti.