Ózbekstan Respublikası Prezidentiniń 2022-jıl 14-mart kúni «Gimnastika boyınsha Oksana CHusovitina sport sheberligi mektebin shólkemlestiriw ilajları haqqında»ǵı qararı qabıl etildi. Usı qarar tiykarında Ózbekstan Respublikası Prezidentiniń 2021-jıl 5-noyabrdegi «Sport bilimlendiriw mákemeleriniń jumısın 2025-jılǵa shekem rawajlandırıw baǵdarlaması haqqında»ǵı PQ-5280-sanlı qararına muwapıq, sonday-aq, sport gimnastikası boyınsha qábiletli sportshılardı tayarlaw, Olimpiada oyınlarında jeńimpaz hám sıylı orın iyesi bolǵan sportshılarımızdıń jumısın keńnen úgit-násiyatlaw maqsetinde Sporttı rawajlandırıw ministrligi sistemasında Gimnastika boyınsha Oksana CHusovitina sport sheberligi mektebi shólkemlestiriledi.

Gimnastika mektebi óziniń jumısın 2022-2023-oqıw jılınan baslaydı. Mekteb oqıwshılarınıń ulıwmalıq kontingenti jámi 165 di quraydı hám bul  jerde 1-11-klass oqıwshılarınan ibarat boladı. Sonday-aq, sport gimnastikası boyınsha xalıqaralıq dárejedegi sportshılardı tayarlaw ushın joqarı tájiriybeli qánige-trenerler, psixologlar hám metodistlerdi, sonıń ishinde, sırt el jetekshi qánigelerin keńnen tartıw arqalı trenerler quramın bekkemlenedi.

Filial Baspasóz xızmeti.