Stritbol (ing. Streetball) – 1950-jılları AQShda kambagal kishi rayonlarında payda bolǵan oyın. Ol ápiwayı basketboldan oyınshılar sanı menen parıq etedi. Bir komanda quramında 4 oyınshı boladı, sonnan 3 oyınshı maydanda, 1 oyınshı rezervte boladı. Stritbol maydanı basketbol maydanınıń yarımı bolıp, eki komanda bir sebetke qaray hujim etedi. Stritbol maydanı “Kort” dep ataladı.

FIBA administraciyası 2010-jılı Singapur mámleketinde bolıp ótken óspirimler Olimpiada oyınlarında stritbol jarısları tabıslı ótkerilgenligi sebepli 2016- jılı Jazǵı Olimpiada oyınları baǵdarlamasına 3×3 basketbol dep kirgiziwdi usınıs etedi hám 2017-jılı 9-iyunda FIBA 3×3 basketbol 2020-jilǵi XXXII Jazǵı Olimpiada oyınları baǵdarlamasına kiritiledi. Turnirde 8 er hám 8 hayal-qizlar komandaları qatnasatuǵın bolip, eki komplekt medallar oynalatuǵın boldi.

«Nawrız» ulıwmaxalıqlıq bayramı múnásibeti menen Ózbekstan mámleketlik dene tarbiyası ham sport universiteti Nókis filialı studentleri tárepinen Stritbol sport turinen er-balalar hám qiz-balalar arasında “Nawriz-2022” jarısı shólkemlestirildi.

Qızǵın bellesiwlerge bay tárizde bolıp ótken jarıs juwmaǵında jeńimpaz komandalar anıqlandı.

Roza Yusupova,
«Basketbol» qánigeliginiń 2-kurs studenti.