Ózbekstan Respublikası Sporttı rawajlandırıw ministirliginiń buyrıǵı menen sporttı hám ǵalabalıq dene tárbiyası ilajların 2022-jıl ushın respublika kalendar rejesine muwapıq usı jıldıń 26-30-mart kúnleri Namangan wálayatınıń Namangan qalasında sporttıń kórkem gimnastika túrinen úlken jastaǵılar arasında Ózbekstan chempionatı bolıp óti.

         Shólkemlestirilgen chempionatqa Ózbekstan saylandı komandası aǵzaları, Ózbekstan mámleketlik dene tárbiyası hám sport universiteti Nókis filialınıń «Sport túrleri» fakultetiniń kórkem gimnastika qánigeliginiń 2-kurs studenti Shaxzada Ibragimova hám 1-kurs studenti Nargiza Djumaniyazovalarda qatnasıp sıylı 1-orındı alıwǵa miyasar boldı.

         Sportshı qızlardı jarısqa trenerlerden G.Babajanova hám N.Palvanovalar tayarladı.

Filial Baspasóz xızmeti.