Ózbekstan mámleketlik dene tárbiyası hám sport universiteti Nókis filialı «Ziyrek studentlerdiń ilimiy – izertlew iskerligin shólkemlestiriw» bólimi baslaması menen Ózbekstan Ilimler Akademiyası Qaraqalpaqstan bólimi ilimiy xızmetkeri, Respublikalıq Ruwxıy aǵartıwshılıq orayı aǵzası Quwanıshbek Turekeev penen birgelikte filialda bilim alıp atırǵan ziyrek student-jaslar menen «Nawrız» bayramınıń ótmishi hám tariyxı» atamasında ushırasıw bolıp ótti.

Shólkemlestirilgen ushırasıw barısında Ózbekstan Ilimler Akademiyası Qaraqalpaqstan bólimi ilimiy xızmetkeri, Respublikalıq Ruwxıy aǵartıwshılıq orayı aǵzası Quwanıshbek Turekeev keleshekte ilim menen shuǵıllanıwdı qálewshi student-jaslarǵa shıǵıs xalıqlarınıń jıl bası esaplanǵan «Nawrız» hám usı bayram kúnleri xalqımız tárepinen tayarlanatuǵın «Sumelek» milliy taǵamınıń tayarlanıw barısı hám onıń tariyxı haqqında keń túrde maǵlıwmatlar berip ótti.

Ushırasıw barısında student-jaslar ulıwmaxalıqlıq bayramımız esaplanǵan «Nawrız» hám usı kúnleri xalqımız tárepinen súyip tayarlanatuǵın milliy taǵamımız bolǵan «Sumelek» taǵamı haqqında ózlerin qızıqtırǵan sorawlarına juwaplar aldı hám keń túrde maǵlıwmatqa iye boldı.

Filial Baspasóz xızmeti.