Usı jıldıń 28-mart kúni Moskva mámleketlik aymaqliq universiteti hám Ózbekstan mámleketlik dene tárbiyası hám sport universiteti Nókis filialı ortasında ZOOM arqalı ushırasıw bolıp ótti.

 Onlayn ushırasıwda Dmitriy A. Kulikov, MD, dotsent, ilimiy jumıslar boyınsha prorektor, Moskva mámleketlik aymaqliq universiteti medicina fakulteti dekanı wazıypasın atqarıwshı, Moskva mámleketlik aymaqliq universiteti rektorining Bas járdemshisi Tixonov Andrey Ivanovich, ekonomika ilimleri kandidati, dotsent, ilimdi rawajlandırıw kafedrası basqarıwshısı Zhuravina Ekaterina Yakovlevna, ilimdi rawajlandırıw bólimi baslıǵı orınbasarı Mixalina Olga Anatolevna, xalıq aralıq sheriklik bólimi baslıǵı Tonsheva Svetlana Valerevna hám Ózbekstan mámleketlik dene tárbiyası ham sport universiteti Nókis filialı Ilimiy isler hám innovaciyalar boyınsha direktor orınbasarı, pedagogika ilimleri boyınsha filosofiya doktorı (PhD), docent Maxsetbay Aytımbetov, Oqıw isleri boyınsha direktor orınbasarı, tariyx ilimleriniń kandidatı Baxram Utemuratovlar ortasında sheriklik áhmiyetleri jóninde toqtalıp ótildi.

 Sherikliktiń tiykarǵı maqseti Moskva mámleketlik aymaqliq universiteti hám Ózbekstan mámleketlik dene tárbiyası hám sport universiteti Nókis filialı ortasında bilimlendiriw hám ilim salasındaǵı sheriklikti rawajlandırıw, joqarı maman qánigelerdi tayarlaw hám elektron kitapxana sistemasınan tolıq paydalanıwdan ibarat.

 Ushırasıw sheńberinde zamanagóy oqıtıw usılları hám sistemalarınan paydalanıw hám bilimlendiriw tarawında innovaciyalıq texnologiyalardı qóllaw, oqıw jobaları hám programmaların jetilistiriw, tájiriybe almaslaw, oqıtıwshılar, xızmetkerler, doktorantlar hám magistrantlar ushın qısqa múddetli ilimiy hám oqıw ámeliyatları hám bilimlerdi jetilistiriwdi shólkemlestiriw, ilimiy ánjumanlar hám ilimiy seminarlar hám basqada ilajlar haqqında maǵlıwmat almaslaw sıyaqlı bir qatar wazıypalar belgilep alındı.

Filial Baspasóz xızmeti.