Qaraqalpaqstan Respublikasındaǵı Joqarı oqıw orınlarında Prokuratura, Sud, Ishki isler uyımları juwapker qánigeleriniń Arqa-Batıs áskeriy okrugi xızmetkerleriniń tarawǵa baylanıslı bayanatların shólkemlestiriw maqsetinde 2022-jıl 10-mart kúni Qaraqalpaqstan Respublikası Ministrler Keńesi Baslıǵınıń reje – kestesi tastıyıqlanǵan edi.

Usı reje keste – tiykarında 6-aprel kúni Ózbekstan mámleketlik dene tárbiyası hám sport universiteti Nókis filialında Qaraqalpaqstan Respublikası Prokuraturası qánigesi U.Shukurullaev qatnasında «Qasdtan adam óltiriw jınayatın tergew etiw usılı» atamasında student-jaslardıń qatnasında ushırasıw bolıp ótti.

Ushırasıwdı filialdıń «Jaslar menen islesiw, ruwxıylıq hám aǵartıwshılıq bólimi» baslıǵı B.Sabirov kiris sóz benen ashtı hám alıp bardı.

Bunnan soń Qaraqalpaqstan Respublikası Prokuraturasınan kelgen qánige U.Shukurullaev sózge shıǵıp ol óz sózinde búgingi kúnde respublikamızda bul jınayattıń kelip shıǵıwına tiykarınan neler sebep bolıp atırǵanlıǵına hám onıń aldın alıw baǵdarında huqıq qorǵaw uyımları tárepinen alıp barılıp atırǵan jumıslaǵada ayrıqsha toqtap ótti.

Egerde, bunday jınayatlar júz bergen jaǵdayda shártli ráwishte Ózbekstan Respublikası Jınayat Kodeksiniń tiyisli statyaları menen jınayıy juwapkershilikke tartılatuǵınlıǵı haqqında túsinikler berip ótti.

Bunnan tısqarı bilip, bilmey islegen hár qanday mayda huqıqbuzarlıqlarda jınayıy juwapkershilikke tartıwǵa tiykar bolatuǵınlıǵın maǵlıwmat ushın keltirip ótti.

Ushırasıw barısında student-jaslar ózlerin qızıqtırǵan sorawlarınada tiyisli tártipte taraw qánigesinen juwaplar aldı.

Filial Baspasóz xızmeti.