Kekselerdiń halınan xabar alıw, baǵıwshısınan ayırılǵan, jalǵız baslı, ózgelerdiń járdemine mútáj nuraniylerge, jetim-jesirlerge járdem beriw ázel-ázelden ata-babalarımızdıń qanına sińip ketken jaqsı páziyletlerden biri bolıp esaplanadı.

Álbetde, bunday jaqsı páziyletler búgingi jaslarımız arasında da jaqsı qáliplesken.

Búgin 14-aprel kúni Ózbekstan mámleketlik dene tárbiyası hám sport universiteti Nókis filialında bilim alıp atırǵan bir topar kewilli student-jaslar tyutorlardıń basshılıǵında «Turan» mákan puqaralar jıyını aymaǵında jasawshı mayıplıǵı bar, baǵıwshısınan ayırılǵan, jalǵız baslı Zulqumar Redjapovanıń turaq jayınıń dógereklerin tazalap, úy aldı qıytaq jerlerin awdarıp báhárgi egiske tayarlap berdi.

Kórsetilgen járdemnen kewli tolǵan aymaq turǵını student-jaslarǵa aq-pátiyasın berdi.

Filial Baspasóz xızmeti.