Ózbekstan Respublikası Prezidentiniń «Jaslardıń mánawiyatın joqarılatıw, olardıń bos waqıtların mazmunlı shólkemlestiriw boyınsha bes áhmiyetli baslaması»nıń tórtinshi baslaması, yaǵnıy Jaslar mánawiyatın joqarılatıw olardıń arasında kitapqumarlıqtı keńnen úgit-násiyatlaw boyınsha sistemalı jumıslardı shólkemlestiriw maqsetinde usı jıldıń 18-aprel kúni Ózbekstan mámleketlik dene tárbiyası hám sport universiteti Nókis filialında «Kitapqumarlıq» hápteliginiń ashılıw máresimi bolıp ótti.

«Kitapqumarlıq» hápteligin filial direktorı, tariyx ilimleri kandidatı, docent B.Mambetov ashıp berdi hám student-jaslardı háptelikke belsene qatnasıwǵa shaqırdı.

«Kitapqumarlıq» hápteligi sheńberinde hár qıylı mádeniy kesheler hám intellektual oyınların ótkeriliw názerde tutılǵan.

Jeńimpazlar shólkemlestiriwshiler tárepinen diplom hám qımbat bahalı estelik sawǵaları menen sıylıqlanadı.

Filial Baspasóz xızmeti.