30-iyun “Jaslar kúni” múnásibeti menen búgin Tórtkúl rayonında «Jańa Ózbekstan jasları birleseyik!» uranı astında jaslar festivalı bolıp ótpekte.

Festival sheńberinde jaslar sporttıń futbol, shaxmat-shashka hám karate túrinen óz-ara bellesiwler alıp barmaqta.

Fistevalǵa Ózbekstan mámleketlik dene tárbiyası hám sport universiteti Nókis filialı direktorınıń Jaslar  máseleleri hám ruwxıy-aǵartıwshılıq isleri boyınsha birinshi orınbasarı D.Nurıshov qatnasıp jaslardı 30-iyun – “Jaslar kúni” bayramı menen qızǵın qutlıqladı hám sport túrleri boyınsha qızǵın bellesiwler alıp barıp atırǵan jaslarǵa tabıslar tiledi.

Bul baǵdardaǵı festival Taxıyatas rayonı jaslarında shetlep ótpedi. Rayon boylap bolıp ótken festivalǵa filial direktorınıń Oqıw isleri boyınsha orınbasarı B.Utemuratov qatnastı hám rayon jasların 30-iyun – “Jaslar kúni” menen qutlıqladı.

Filial Baspasóz xızmeti.