Búgin Ózbekstan mámleketlik dene tárbiyası hám sport universiteti Nókis filialı miynet jámááti hám student-jasları 30-iyun-Jaslar kúni múnásebeti menen “Bizler salamat turmıs tárizi tárepdarlarımız” uranı astında 5000 mıń metrge juwırıw marafonına hám azanǵı dene shınıqtırıw ilajlarına belsene qatnastı.

-Bunday azanǵı dene tárbiya shınıǵıwların turaqlı túrde islep turaman. Sebebi, qánige sıpatında bunday shınıǵıwlardıń insan salamatlıǵı ushın paydasın jaqsı bilemen. Bul menen kúndelikli turmıs-tárizimniń bir bólegine aylanǵan. Men hár bir zamanlasımızdı azanǵı dene shınıqtırıw menen turaqlı túrde shuǵıllanıwǵa shaqıraman.

Sebebi, onıń insan salamatlıǵı ushın áhmiyeti úlken, – deydi filialdıń jaslar jetekshisi Islam Djaqsımuratov.  

Bul ilajdı shólkemlestiriwden baslı maqset, salamat turmıs-tárizin úgit-násiyatlaw hám ǵalabalıq sporttı keń en jaydırıw bolıp tabıladı.

Filial Baspasóz xızmeti.