Búgin Ózbekstan mámleketlik dene tárbiyası hám sport universiteti Nókis filialında «Tınıshlıq hám tatıwlıq biybaha baylıq» atamasında ushırasıw bolıp ótti.

Ogan Ózbekstan Respublikası Sporttı rawajlandırıw ministriniń orınbasarı A.Asanov, Qaraqalpaqstan Respublikası Sporttı rawajlandırıw ministri w.w.a A.Allanazarov, Ózbekstan mámleketlik dene tárbiyası hám sport universiteti Nókis filialı direktorı B.Mambetov,  Nókis qalası IIB baslıǵı Z.Zaytov hám filialdıń professor-oqıtıwshıları, bólim baslıqları, texnik xızmetkerleri hám qalamızdagı sport mektepleriniń direktorları qatnastı.

Ushırasıwdı filialdiń direktorı B.Mambetov ashıp berdi hám alıp bardı. Dáslep ol óz sózinde insannıń jaqsı jasawı, kámil insan bolıp jetilsiwinde densawlıqtıń hám tınıshlıqtıń qádiri úlken áhmiyetke iye ekenligin atap ótti.

Bunnan soń Ózbekstan Respublikası Sporttı rawajlandırıw ministriniń orınbasarı A.Asanov sózge shıǵıp mámleketimizde ámelge asırılıp atırılǵan reformalar, sportshılarga, ásirese, jaslarǵa jaratılıp atırgan imkaniyatlarga ayrıqsha toqtalıp ótti.

Soń Nókis qalası IIB baslıǵı Z.Zaytov sózge shıǵıp, bolıp ótken waqıyalar haqqında toqtalıp, bunda kópshilik insanlar bilip bilmey aralasıp qalǵanlıǵı, bul boyınsha sorastırıw jumıslarıp alıp barılǵanlıǵı. Sonıń menen bir qatarda Qaraqalpaqstanda ayrıqsha jaǵday biykar etilgenligin aytıp ótti hám puqaralardan social tarmaqlarda tarqalıp atırgan hár qıylı tastıyıqlanbaǵan maǵlıwmatlarǵa isenbewge saqırdı.

Májilis barısında qatnasıwshılarǵa respublikamız aymaǵında júz bergen tártipsizlikler sáwlelengen video rolik qoyıp berildi.

Bolıp ótken iláj sońında qatnasıwshılar májiliske kelgen taraw qánigelerinen ózlerin qızıqtırǵan sorawlarına juwaplar aldı.

Filial Baspasóz xızmeti.