Taza oqıw jılınıń baslanıwı aldınan respublikamızdaǵı barlıq bilimlendiriw mákemelerinde jańa oqıw jılına tayarlıq jumısları shólkemleskenlik penen alıp barılıwı tábiyiy jaǵday.

Ózbekstan mámleketlik dene tárbiyası hám sport universiteti Nókis filialı miynet jámáátide bul baǵdardaǵı jumıslardı shólkemleskenlik penen alıp barmaqta. Ózbekstan Respublikası Ministrler Kabineti janındaǵı Bilimlendiriw sapasın qadaǵalaw mámleketlik inspekciyası tárepinen 2022-jıl 6-iyul kúni kelgen «Bilimlendiriw mákemeleriniń jańa oqıw jılına tayarlıq jaǵdayın úyreniw haqqında»ǵı 149-sanlı buyrıǵına tiykarlanıp filialda 2022-2023-oqıw jılına tayarlıq jumısları bilimlendiriw sapasın qadaǵalaw bólimi tárepinen úyrenip shıǵıldı.

 Házirgi kúnde filialda ulıwma 31 oqıw auditoriya, 4 lekciya xanası, 26 ámeliy hám seminar shınıǵıwları ushın xanalar, 1 kompyuter zalı,  2 málimleme resurs orayı, 3 sport imáratı (1 ashıq sport maydanı,  2 jabıq sport maydanı) da taza oqıw jılına tolıq tayarlıq jumısları alıp barılmaqta.

Yaǵnıy, atap aytatuǵın bolsaq, oqıw imáratınıń átirapların abadanlastırıw, imárattıń ishine jawın ótetuǵın orınların shifrlaw, eski lampalardı zamanagóy lampalarǵa almastırıw, oqıw xanaların háklew, polların boyaw, kerekli kórgizbeli quralları menen tolıqtırıw, arnawlı sport zalların taza oqıw jılına tolıq tayar halına keltiriw jumısları shólkemleskenlik penen alıp barılmaqta.

Filial Baspasóz xızmeti.