Ózbekstan mámleketlik dene tárbiyası hám sport universiteti Nókis filialı miynet jámááti taza oqıw jılı ushın oqıw imáratınıń átirapların abadanlastırıw, sport zallarına, oqıw, laboratoriya, kompyuter xanalarına jeńil ońlaw jumısların alıp barıw menen birge, filialdıń málimleme resurs orayın kerekli ádebiyatlar menen tolıqtırıp barıwǵada ayrıqsha itibar qaratqan.

Málimleme resurs orayına 2022-2023-oqıw jılında filialdıń professor-oqıtıwshıları T.Mambetjumaev, T. Djumaniyazova, A.Primbetov, Z.Gapparov, A.Elmuratova hám T.Arzımbetovlar tárepinen tayarlanıp qaraqalpaq tilinde baspadan shıqqan bes atamadaǵı 100 dana oqıw qollanbası menen kitap fondı tolıqtırıldı.

Maǵlıwmat ushın filialdıń málimleme resurs orayınıń ulıwma kitap fondı 4520 dana bolıp, sonnan 2448 dana oqıw ádebiyatları, 887 dana kórkem ádebiyatlar, 1185 dana basqa ádebiyatlar quraydı. Sonday-aq, 1310 dana elektron kitaplar bar. Málimleme-resurs orayındaǵı kompyuterler tolıǵı menen internet tarmaǵına jalǵanǵan.

Filial Baspasóz xızmeti.