Ózbekstan Respublikası Prezidentiniń 2020-jıl 2-mart kúngi PF-5953-sanlı Pármanına muwapıq 2020-2021-oqıw jılınan baslap respublikamızdaǵı joqarı oqıw orınları studentlerine kontrakt tólemlerin oqıw jılı dawamında teń úleslerde keminde tórt bólip tólewlerdi ámelge asırıw múmkinshiligi usınıs etilgen.

   Usınıń menen birge, Ózbekstan Respublikası Ministrler Kabinetiniń 2021-jıl 18-avgust kúngi 527-sanlı qararınıń qosımshası menen tastıyıqlanǵan Rejesine muwapıq oqıw ushın jıllıq tólewdiń tolıq muǵdarın belgilengen tártipte teń úleslerde tórt bólip tólewge ruxsat berilgen.

Mámleketlik qabıllaw komissiyası menen kelisilgen halda kontrakt tólemlerin ámelge asırıw múddeti tómendegishe belgilengen:

 — belgilengen tólew muǵdarınıń keminde 25 payızın studentlikke usınıs etilgen abiturientler ushın 15-sentyabrge shekem yamasa Mámleketlik qabıllaw komissiyası tárepinen belgilengen múddetke shekem, ekinshi hám onnan keyingi basqıshı studentler ushın 1-oktyabrge shekem yamasa joqarı oqıw orını rektorı (filial direktorı) tárepinen uzaytırılǵan múddetke shekem;

 — belgilengen tólew muǵdarınıń keminde 50 payızın 1-yanvarǵa shekem, 75 payızın 1-aprelge shekem hám 100 payız 1-iyulǵa shekem yamasa joqarı oqıw orını rektorı (filial direktorı) tárepinen uzaytırılǵan múddetlerge shekem.

   kontrakt.edu.uz saytı arqalı jibergen arzańız tastıyıqlansa, tórtke bólip tólew múmkinshiligi hám múddetleri haqqında tolıq maǵlıwmat alıwıńızǵa boladı.

Filial Baspasóz xızmeti.