Respublikamızdaǵı professional bilimlendiriw shólkemlerinde bilim alıp atırǵan, sonday-aq, Ózbekstan Respublikasında xızmet kórsetip turǵan bárshe joqarı bilimlendiriw shólkemlerinde (mámleketlik, mámleketlik emes joqarı bilimlendiriw shólkemleri, Ózbekstan Respublikası aymaǵındaǵı sırt eldiń joqarı bilimlendiriw shólkemleri hám sırt eldiń joqarı bilimlendiriw shólkemleriniń filiallarında) bakalavriattıń kúndizgi, sırtqı hám keshki baǵdarında, magistraturanıń kúndizgi jónelisinde bilim alıp atırǵan oqıwshı-studentlerge tólemli kontrakt tiykarında oqıwı ushın jıllıq qárejetiniń bir bólegin tólep beriw maqsetinde Ózbekstan Respublikası Ministrler Kabinetiniń 2022-jıl 7-iyun sánesinde «Jaslar máselelerin úyreniw hám saplastırıw sistemasın elede jetilistiriw is-ilájları haqqında»ǵı 312-sanlı qararı qabıl etilgen edi.

   Búgin Ózbekstan mámleketlik dene tarbiyası hám sport universiteti Nókis filialında bilim alıp atırǵan 15 sociallıq járdemge mútáj shańaraqlardıń perzentlerine «Talabaga madad» joybarı sheńberinde kontrakt pulları tólep berildi.

   – Házir men júdá quwanıshlıman. Sebebi, ata-anam meniń  kontrakt pulımdı tólewge biraz qıynalıp júr edi. Maǵan házir Ózbekstan Respublikası Ministrler Kabinetiniń 2022-jıl 7-iyun sánesinde qabıl etilgen «Jaslar máselelerin úyreniw hám saplastırıw sistemasın elede jetilistiriw is-ilájları haqqında»ǵı 312-sanlı qararı tikarında «Talabaga madad» joybarı sheńberinde kontrakt pulım tólep beriletuǵın boldı. Bunnan men júdá quwanıshlıman. Bul meniń ata-anam ushın úlken jeńillik boldı. Bunıń hámmesi húrmetli Prezidentimizdiń biz jaslardıń joqarı bilimlendiriw orınlarında bilim alıwlarımız ushın jaratıp atırǵan atalarsha ǵamxorlıǵı dep bilemen hám ózimniń, ózim qatarlı jaslardıń atınan sheksiz minnetdarshlıǵımdı bildiremen. Házir bolıp ótken bul ilajǵa Ózbekstan Respublikası Jaslar isleri agentligi direktorı A.Sadullaev Tashkent qalasınan turıp onlayn qatnasıp, biz jaslarǵa elimizde jaratılıp atırǵan imkaniyatlarǵa toqtap ótti hám Ministrler Kabinetiniń 2022-jıl 7-iyun kúngi 312-sanlı qararı boyınsha túsinikler berip ótti. Men keleshekte jaqsı bilim alıp, óz kásibimniń jetik mamanı bolaman dep isenim bildiremen hám bizge bildirgen isenimdi, álbette, aqlayman, – deydi Á.Madreymova biz benen sáwbeti barısında. 

   Álbette, elimizde húkimetimiz tárepinen joqarı bilimlendiriw baǵdarına qaratılıp atırǵan bunday ǵamxorlıqlar kóplegen sociallıq járdemge mútáj shańaraqlardıń perzentleriniń qıynalmastan óz bilimlerin iyelewleri ushın úlken imkaniyat boladı desek asıra aytqan bolmayımz.

Filial Baspasóz xizmeti.