Respublikamız aymaǵındaǵı talantlı, qábiletli, ziyrek, bilimli jas qánigelerdi izleb tabıw, tańlaǵan xızmetlerin túp-tiykarınan jetilistiriw, modernizaciyalaw, olardı shet eldiń belgili bilimlendiriw hám ilimiy shólkemlerinde, islep shıǵarıw, innavacion hám basqa konpaniyalarında bilim alıwların, sonday-aq, tájiriybe almasıwın shólkemlestiriw, tereń bilimge iye, zamanagóy pikirleytuǵın Watan súyiwshilik ruwxında tárbiyalanǵan jańa áwlad kadrların qáliplestiriw hám olardı mámleketlik xızmetlerge qamtıp alıw maqsetinde “El-yurt umidi” qorınıń Qáwenderlik keńesiniń 2022-jıl 12-sentiyabr kúngi arnawlı bayanlamasına muwapıq shet ellerde bakalavriat, magistratura hám doktorantura baǵdarları tiykarında bilim alıwları ushın 2022-jıl ushın úshinshi stipendiya tańlawın járiyalaǵan edi.

Búgin “El-yurt umidi” qorı tárepinen járiyalanǵan tańlawǵa jas qánigelerdi qamtıw, sonday-aq, Qordıń ashıq stipendiya tańlawın ótkeriw tártibi, ajratılǵan kvotalar, belgilengen baǵdarlar, tańlawdı shólkemlestiriw mexanizimi hám elektron hújjet tapsırıw platformasınıń islew tártibi haqqındaǵı maǵlıwmatlardı talabanlarǵa tolıq jetkeriw maqsetinde Ózbekstan Respublikası Prezidenti janındaǵı mámleketlik xızmetler agentligi qánigeleri tárepinen student-jaslarǵa onlayn ámeliy seminar bolıp ótti.

Filial Baspasóz xızmeti.