Házirgi kúnde avto transport qurallarınıń sanını kún sayın artıp baratırǵanlıǵı hesh kimge sır emes. Mámleketlik statistika komitetiniń maǵlıwmatlarına qaraǵanda 2022-jıldıń 1-yanvar jaǵdayına Ózbekstan Respublikasında fizikalıq shaxslarǵa tiyisli avtomobiller sanı 3 268 470 ti quraǵan bolsa, sonnan, 135 872 si Qaraqalpaqstan Respublikasına tuwra kelmekte. Avtomobillerdiń sanı artqan sayın jollarda júz beriwi múmkin bolǵan avto avariyalardıń aldın alıw maqsetinde Ózbekstan mámleketlik dene tárbiyası hám sport universiteti Nókis filialında Qaraqalpaqstan Respublikası Ishki isler ministrligi jámiyetlik qáwipsizlik xızmeti Jol háreketi qáwipsizligi basqarması inspektorları tárepinen student – jaslar menen ushırasıw bolıp ótti.

    Ushırasıw barısında taraw qánigeleri student – jaslarǵa orınlarda júz berip atırǵan avto avariyalardıń kelip shıǵıw sebepleri, onıń aqıbetleri, avto transport quralların basqarıw qaǵıdaları haqqında keń túrde túsinikler berip ótti. Sonday-aq, student – jasları avtomobil jollarınıń belgilengen orınlarınan kesip ótiw kerekligi hám jollardan kesip ótekende sergek bolıwǵa shaqırdı.

    Ushırasıw barısında student – jaslar ózlerin qızıqtırǵan sorawlarına tiyisli taraw qánigelerinen juwaplar aldı.

Filial Baspasóz xızmeti.