Búgin 26-sentyabr kúni Ózbekstan mámleketlik dene tárbiyası hám sport universiteti Nókis filialı futbol boyınsha saylandı komandası aǵzaları qalamızda jaylasqan oraylıq «Turan» stadionında joqarı oqıw orınları student – jasları  arasınan kúshli komandalardı tańlap alıw maqsetinde ótkerilip atırǵan «Universiada» sport jarısınıń  Qaraqalpaqstan Respublikalıq basqıshında birinshi oyınında Ájiniyaz atındaǵı Nókis mámleketlik pedagogikalıq institutı komandası aǵzalarına qarsı oyınǵa tústi.

Belgilengen waqıt aralıǵında jaqsı oyın kórsetken filialımız komandası aǵzaları qarsılas komanda ústinen 1:0 esabı menen jeńiske eristi.

Filialımız komandası aǵzaları ekinshi oyınǵa 27-sentyabr kúni Berdaq atındaǵı qaraqalpaq mámleketlik universitetit saylandı komandası aǵzalarına qarsı oynaydı.

Komanda aǵzaların jarısqa Islam Abdullaev, Muhammeddin Qutlımuratov hám Talǵat Qaypnazarovlar tayarladı.

Filial Baspasóz xızmeti.