Ózbekstan mámleketlik dene tárbiyası hám sport universiteti Nókis filialı student – jasları menen oqıw ornınıń konferenciya zalında Nókis qalalıq Migraciya hám puqaralıqtı rásmiylestiriw bólimi qánigeleri menen ushırasıw bolıp ótti.

   Ushırasıwdı filialdıń Jaslar menen islesiw, ruwxıylıq hám aǵartıwshılıq bólimi baslıǵı B.Sabirov ashtı hám alıp bardı.

  Onnan soń qalalıq Migraciya hám puqaralıqtı rásmiylestiriw bólimi úlken inspektorı Q.Yusupov sózge shıqtı. Ol óz sózinde puqaralardıń shaxsın tastıyıqlawshı hújjet esaplanǵan pasporttı alıw, almastırıw hám rásmiylestiriw tártibi haqqında keń túrde maǵlıwmat berip ótti.

   Ushırasıw barısında studentler ózlerin qızıqtırǵan sorawlarına taraw qánigelerinen juwaplar aldı.

Filial Baspasóz xızmeti.