Aldın xabar bergenimizdey usı jıldıń 26-sentyabr kúni Ózbekstan mámleketlik dene tárbiyası hám sport universiteti Nókis filialınıń futbol boyınsha saylandı komandası aǵzaları qalamızda jaylasqan oraylıq «Turan» stadionında joqarı oqıw orınları student – jasları  arasınan kúshli komandalardı tańlap alıw maqsetinde ótkerilip atırǵan «Universiada» sport jarısınıń  Qaraqalpaqstan Respublikalıq basqıshınıń birinshi oyınında Ájiniyaz atındaǵı Nókis mámleketlik pedagogikalıq institutı komandası aǵzalarına qarsı oyınǵa túsip qarsılas komandanı 1:0 esabı menen utqan edi.

Oyın barısında filialımız komanda aǵzaların jarısqa tájriybeli professor – oqıtıwshılardan Islam Abdullaev,  Muhammeddin Qutlımuratov hám Talǵat Qaypnazarovlar jaqsı tayarlaǵanlıǵı oyın juwmaǵında erisilgen nátiyjeden hámmemizge málim boldı.

Búgin 27-sentyabr kúni filialımız saylandı komandası aǵzaları ekinshi oyında Berdaq atındaǵı qaraqalpaq mámleketlik universiteti saylandı komandasına qarsı oyınǵa tústi. Komanda aǵzaları arasında jarıstıń keyingi basqıshı ushın alıp barılǵan qızǵın bellesiwler nátiyjesinde komanda aǵzalarınıń kúshleri teń keldi hám wpaylar esabınan filialımız saylandı komanda aǵzaları jeńiske eristi hám jarsıtıń Xorezim wálayatında bolıp ótetuǵın aymaqlıq basqıshına jollama aldı.

         Filialımız miynet jámááti atınan komanda aǵzalarınıń erisken tabısları menen qızǵın qutlıqlaymız hám jarıstıń keyingi basqıshında tabıslar menen keliwleri ushın tileklespiz.

Filial Baspasóz xızmeti.