Kúnlerdiń suwıtıp salqın túsiwi menen mákeme-kárxana hám turaq jaylarda jılıtıw ásbap-úskenelerine bolǵan talap artadı. Orınlarda tiyisli taraw wákilleri tárepinen jılıtıw úskenelerinen durıs paydalanıw boyınsha úgit-násiyat jumısları alıp barıladı hám arnawlı túrde toparlar dúzilip, eger, orınlarda qolbala, nasaz, mámleketlik talap (standart) qa juwap bermeytuǵın úskenelerden paydalanıw jaǵdayları anıqlansa, álbette, isshi topar wákilleri yaki taraw qánigeleri tárepinen arnawlı tártipte rásmiylestirilip tutınıwshıǵa eskertiw beriledi, yamasa járiymaǵa tartıwlarına sebep boladı.

Házirgi kúnde filial tyutorları hám profilaktika inspektorı tárepinen ijára shártnaması tiykarında ijárada jasap atırǵan studentlerdiń úylerinen xabar alıw jumısları barısında olardıń ısıtıw úskeneleriniń gúz-qıs máwsimine tayarlıǵın úyrenilip shıǵılmaqta. Sonday-aq, student-jaslarǵa jılıtıw úskenelerinen paydalanıw tártibi boyınsha túsindiriw jumısları alıp barılmaqta. Egerde ijara úylerinde jılıtıw úskeneleri talapqa juwap bermeytuǵın rezina shlangalar menen tarmaqqa jalǵanǵan bolsa, yamasa nasaz qolbala jılıtıw úskeneleri anıqlansa tezlik penen xabar beriw kerekligi hám sergek bolıwǵa shaqırmaqta.

Bunnan tısqarı student – jaslarǵa ózleri jasap turǵan xanaların taza tutıw boyınshada túsindiriw jumısları alıp barılmaqta.

Filial Baspasóz xızmeti.