Usı jıldıń 5-sentiyabr kúni studentler arasında jınayatshılıq hám huqıqbuzarlıqlardıń aldın alıw, avtotransport quralların basqarıwshı studentlerdi ámeldegi jol háreketi qaǵıydalarına ámel etiwlerin, óziniń basqarıwındaǵı avtotransport qurallarına jolawshı mingiziw hám túsiriwde, jollarda háreketlengende jol háreketi qaǵıydalarına qatań boysınıw kerekligi, háreketleniw waqtında avtomobil tezligin asırmastan háreketleniw qáwipsizligin támiyinlew shárt ekenligin túsindiriw maqsetinde Ózbekstan mámleketlik dene tárbiyası hám sport universiteti Nókis filialında Qaraqalpaqstan Respublikası IIM Jámiyetlik qáwipsizlik xızmeti jol háreketi qáwipsizligi basqarması baspasóz toparı inspektorları T.Qurbanbaev, T.Qurbanbaev, Nókis qalalıq IIO JMB 4-sanlı IIB baslıǵı A.Uteniyazov hám 4-sektor baslıǵı S.Usnatdinovlar qatnasında filialdıń professor – oqıtıwshıları hám student – jasları menen ushırasıw bolıp ótti.

   Ushırasıwdı filial direktorınıń Jaslar máseleleri hám ruwxıy-aǵartıwshılıq isleri boyınsha birinshi orınbasarı D.Nurishov kiris sóz benen ashtı hám basqarıp bardı.

   Bolıp ótken ushırasıw barısında sózge shıqan taraw qánigeleri tárepinen búgingi kúnde avtotransport quralları basqarıwshılarınıń itibarsızlıǵı hám piyadalar qatnasında júz berip atırǵan avto abariyalar, onıń kewilsiz aqıbetleri, ayırım jaǵdaylarda bunday hádiselerdiń nátiyjesinde insanlardıń biymezgil ómirden kóz jumıp atırǵanlıǵı haqqında keń túrde maǵlıwmatlar berip ótti.

   Sonday-aq, taraw qánigeleri ushırasıw qatnasıwshılarına avtotransport quralın basqarǵanda yamasa piyadalar jollardı kesip ótkende itibarlı bolıwǵa, jol qaǵıydası, bul, ómir paydası ekenligin hesh qashan esten shıǵarmawǵa shaqırdı.

   Ushırasıw barısında qatnasıwshılar ózlerin qızıqtırǵan sorawlarǵa tiyisli taraw qánigelerinen juwaplar aldı.

Filial Baspasóz xızmeti.