Ózbekstan Respublikası Prezidentiniń 2020-jıl 4-noyabrdegi «Kurash milliy sport túrin rawajlandırıw hám onıń xalıqaralıq abırayın bunnan bılay da arttırıw ilajları haqqında»ǵı qararı tiykarında «Ózbek palwanı» jarısınıń qalalıq basqıshı bolıp ótti.
   Onda Ózbekstan mámleketlik dene tárbiyası hám sport universiteti Nókis filialı «Jeke gúres hám tábiyiy pánler» kafedrası professor-oqıtıwshıları D.Xudoyarov, N.Berdaxova hám K.Razaxov hám K.Dármenbaeva, al, «Sport oyınları» kafedrasınan U.Matniyazovlar qatnasıp jaqsı nátiyjeler menen qarsılaslarınıń ústinen jeńiske eristi.

Yaǵnıy, +100 kg salmaq kategoriyasında Kópbergen Razaxov, 63 kg salmaq kategoriyasında Nursulıw Berdaxova, +78 kg salmaq kategoriyasında Klara Darmenbaevalar 1-orınǵa múnásip bolǵan bolsa, 73 kg salmaq kategoriyasında Daniyar Xudoyarov 2-orın, al, Umid Matniyazov 3-orındı jeńip alıwǵa miyasar boldı.

Jeńimpazlar qatarınan orın alǵan filialımız professor-oqıtıwshıları shólkemlestiriwshiler tárepinen medal, Diplom hám estelik sawǵaları menen sıylıqlandı hám respublikalıq basqıshqa jollama aldı.

Filial Baspasóz xatkeri.