Joqarı oqıw orınları studentleri arasında basqıshpa – basqısh  ótkerilip atırǵan «Universiada – 2022″ sport oyınlarında sport túrleri boyınsha filialımız student-jasları arasınan dúzilgen saylandı komanda aǵzaları izbe-izlik penen jaqsı nátiyjelerge erisip kelmekte.

   Aldın xabar bergenimizdey filialımız student-jaslarınan dúzilgen futbol komandası Qaraqalpaqstan Respublikalıq basqıshında jeńimpaz bolıp, Xorezm wálayatında bolıp ótetuǵın aymaqlıq basqıshına jolamanı qolǵa kirgizgen edi.

  Búgin 25-oktyabr kúni Xorezm wálayatında «Universiada – 2022″ sport oyınlarınıń aymaqlıq basqıshınıń oyınları bolıp ótpekte. Onda filialımız saylandı komanda aǵzaları búgin saat 14:00 de Buxara wálayatınıń saylandı komandası aǵzaları menen oyınǵa túsedi. Soń 26-oktyabr kúni Nawayı wálayatınıń saylandı komanda aǵzaları menen 27-oktyabr kúni Xorezm wálayatınıń saylandı komanda aǵzaları menen oyınǵa túsiwi kútilmekte.

   Sportshılardı professor-oqıtıwshılardan I.Abdullaev, M.Qutlımuratov hám T.Qayıpnazarovlar tayarladı hám basshılıq etpekte. 

   Házir filialımız futbol komanda aǵzaları Xorezm wálayatında oyınan aldınǵı shınıǵıwların alıp barmaqta.

 Komanda aǵzalarına filialımız miynet jámááti atınan tabıslar tileymiz.

Filial Baspasóz xızmeti.