Aldın xabar bergenimizdey filialımız student-jaslarınan dúzilgen futbol komandası 25-27-oktyabr kúnleri aralıǵında Xorezm wálayatında ótkerilip atırǵan «Universiada – 2022″ sport oyınlarınıń aymaqlıq basqıshında 25-oktyabr kúni Buxara wálayatınıń saylandı komandası aǵzaları menen oyınǵa tústi hám oyın juwmaǵında kúshler teń kelip, oyın 0:0 esabı menen juwmaqlanǵan edi.

Al, búgin 26-oktyabr kúni Nawayı wálayatınıń saylandı komanda aǵzaları menen oyınǵa tústi hám qızǵın qarsılıqlar menen alıp barılǵan oyın juwmaǵında filialımız student-jasları arasınan dúzilgen futbol saylandı komandası aǵzaları 4:1 esabı menen qarsılas komanda aǵzalarınan ústin keldi.

Futbol komandamız aǵzaları 27-oktyabr kúni Xorezm wálayatınıń saylandı komanda aǵzaları menen oyınǵa túsiwi kútilmekte.

Sportshılardı professor-oqıtıwshılardan I.Abdullaev, M.Qutlımuratov hám T.Qayıpnazarovlar tayarladı hám basshılıq etpekte. 

Komanda aǵzalarına filialımız miynet jámááti atınan tabıslar tileymiz.

Filial Baspasóz xızmeti.