Joqarı bilimlendiriw orınlarında bilim alıp atırǵan student – jaslardı hár tárepleme jetik kadrlar etip tárbiyalaw baǵdarında húkimetlik párman hám qararlar tiykarında Joqarı hám orta arnawlı bilimlendiriw ministrligi tárepinen bir qatar unamlı jumıslar alıp barılıp atırǵanlıǵı hám usı tiykarda 2022-jıldıń 17-sentyabr kúni Ózbekstan mámleketlik dene tárbiyası hám sport universiteti Nókis filialında bilim alıp atırǵan student – jaslar arasınan 20 student Joqarı bilimlendiriw sistemasın 2030-jıllarǵa rawajlandırıw konsepciyası hám Ózbekstan Respublikası Prezidentiniń 2019-jıl 11-iyul kúngi «Joqarı hám orta arnawlı bilimlendiriw sestemasına basqarıwdıń jańa principlerin engiziw is-ilájları haqqında»ǵı qararına tiykarlanıp úsh ay múddetke oqıp keliw maqsetinde Tashkent qalasında Ózbekstan mámleketlik dene tárbiyası hám sport universitetinde oqıwların baslaǵanlıǵı haqqında xabar bergen edik.

   Usı jıldıń oktyabr ayınıń aqırǵı on kúnliginde filial direktorınıń Jaslar máseleleri hám ruwxıy-aǵartıwshılıq isleri boyınsha birinshi orınbasarı Darmenbay Nurıshov úsh ay dawamında Ózbekstan mámleketlik dene tárbiyası hám sport universiteti professor – oqıtıwshılarınan bilim alıwları rejelestirilgen filial studentleriniń hal-jaǵdaylarınan xabar alıp, olardıń jaylasqan jataq jayları hám oqıwǵa qatnası, sabaq barısı menen jaqınnan tanısıp qayttı.

Filial Baspasóz xızmeti.