Bársheniń xabarı bar Ózbekstan Respublikası Prezidentiniń baslaması menen «Jasıl mákan» ulıwma milliy joybarı sheńberinde 20-oktyabr sánesinen 1-dekabr sánesine shekem «Áhmiyetli 40 kúnlik» dep járiyalanǵan edi.

   Usı ulıwma milliy joybar sheńberinde búgin 2-noyabr kúni Ózbekstan mámleketlik dene tárbiyası hám sport universiteti Nókis filialı «Sport túrleri» fakultetiniń «Kórkem gimnastika», «Badminton» hám «Boks» baǵdarlarınıń studentleri hám professor-oqıtıwshıları oqıw dárgayınıń átirapına óz belsendilikleri menen terek hám miywe nállerin ekti.

   Filialımızdıń qalǵan qánigelik studentlerin hám professor-oqıtıwshılarında ulıwma milliy joybarına belsene qatnasıwǵa shaqıramız. Sebebi, qalamız aymaǵında jasıl qaplamalı mákanlar qansha kóp bolsa, ol birinshi náwbette ózimiz ushın ekinshiden qalamızda jasaytuǵın basqa insanlardıń salamatlıǵı ushın áhmiyeti úlken ekenligin umıtpayıq. Eń baslısı bizden keleshek áwlad ushın taza ekologiyalıq ortalıq qalsın.

   «Jasıl mákan» ulıwma milliy joybarı sheńberinde «Áhmiyetli 40 kúnlik» dawam etpekte…

Filial Baspasóz xızmeti.