Prezidentimizdiń baslaması menen «Jasıl mákan» ulıwma miliy joybarı sheńberinde 20-oktyabr sánesinen 1-dekabr kúnleri aralıǵında «Áhmiyetli 40 kúnlik» dep járiyalanǵan edi.

   Usı joybar sheńberinde elimiz aymaǵın jasıl qaplamalı mákanǵa aylandırıw maqsetinde respublikamızdıń barlıq orınlarında terek hám miywe nállerin egiw jumısları qızǵın alıp barmaqta. Nókis qalası aymaǵında jasıl qaplamalı maydanlardıń kólemin keńeytiwge qalamız turǵınlarıda óz úleslerin qospaqta.

  Búgin 11-noyabr kúni Qaraqalpaqstan Respublikası Máhálle hám nuranıylardı qollap quwatlaw ministri orınbasarı, General-mayor Maqsetbay Babaniyazov, sport veteranları, filial miynet jámááti hám student-jasları menen birgelikte «Jasıl mákan» ulıwma milliy joybarı sheńberinde Ózbekstan mámleketlik dene tárbiyası hám sport universiteti Nókis filialı átirapına miywe hám sayamanlı terek nállerin ekti.

   Sonday-aq, joybar sheńberinde terek hám miywe nállerin egiw barısında sport veteranları hám Qaraqalpaqstan Respublikası Máhálle hám nuranıylardı qollap quwatlaw ministri orınbasarı, General-mayor Maqsetbay Babaniyazovlar student-jaslarǵa bul ilájdıń áhmiyetine ayrıqsha toqtap ótti hám bársheni «Áhmiyetli 40 kúnlik» ke belsene qatnasıwǵa shaqırdı.   

«Áhmiyetli 40 kúnlik» dawam etpekte…

Filial Baspasóz xızmeti.