Ózbekstan Resaublikası Prezidentiniń 2022-jıl 19-yanvar kúngi «Máhállelerde jaslar menen islesiw sistemasın túpten jetilistiriw is-ilájları haqqında»ǵı arnawlı qararı hám Joqarı hám orta arnawlı bilimlendiriw ministrliginiń 2022-jıl 24-yanvar  kúngi 30-sanlı buyrıǵınıń talapların orınlaw hám student-jaslardıń bos waqıtların mazmunlı ótkeriw. Olardıń den sawlıǵın bekkemlew, olar arasında salamat turmıs tárizin qáliplestiriw hám sportqa bolǵan qızıǵıwshılıqların artırıw maqset sport túrleri boyınsha orınlarda «Ministr kubogi» ushın sport jarısları bolıp ótpekte.

Búgin 17-noyabr kúni oraylıq «Turan» stadionında filialdıń student-jasları arasınan dúzilgen «Tarlan» futbol komandası «Ministr kubogi» niń Qaraqalpaqstan Respublikalıq final basqıshında Ájiniyaz atındaǵı Nókis mámleketlik pedagogikalıq institutınıń student-jasları arasınan dúzilgen saylandı komanda aǵzaları menen kúsh sınastı.

Qızǵın bellesiwlerge bay tárizde bolıp ótken oyın barısında filialdıń «Tarlan» komandası aǵzaları prafesor-oqıtıwshıları hám trenerleriniń bergen kórsetpeleri hám ózleriniń tınımsız alıp barǵan shınıǵıwlarınıń nátiyjesinde Kóbey Puxarbaev, Jahangir Yusupov hám Zulpuqar Quwanıshbaevlar tárepinen qarsılas komanda aǵzalarınıń darwazasına 3 gol ótkeriwge eristi. Nátiyjede Ózbekstan mámleketlik dene tárbiyası hám sport universiteti Nókis filialı «Tarlan» komandası 3:0 esabı menen Ájiniyaz atındaǵı Nókis mámleketlik pedagogikalıq institutı komandasın uttı hám kubogtın Ózbekstan Respublikalıq basqıshına jolama aldı.

Komanda aǵzaların jarısqa professor-oqıtıwshılardan I.Abdullaev, M. Qutlimuratov hám T.Qayipnazarovlar tayarladı.

Filial Baspasóz xızmeti.