Respublikamızdıń barlıq bilimlendiriw orınlarında, mámleketlik hám jámiyetlik shólkemlerde 1-dekabr – Qaraqalpaq tiline mámleketlik til biyligi berilgen kún bayram múnásibeti menen ushırasıwlar, konferenciyalar hám bayram koncert baǵdarlamaları shólkemlestirilmekte.

    Búgin 29-noyabr kúni bayram múnásibeti aldınan filialımızda «Ana tilim – arım meniń» atamasında Jazıwshılar awqamınıń aǵzası, jas shayır Allayar Dármenov penen student – jaslardıń ushırasıw keshesi bolıp ótti.

   Ushırasıwdı filial direktorınıń Jaslar máseleleri, ruwxıylıq hám aǵartıwshılıq isleri boyınsha birinshi orınbasarı D.Nurıshov ashtı hám basqarıp bardı. Ol óz sózinde qaraqalpaq tiline mámleketlik til biyliginiń beriliwi haqqında student-jaslarǵa túsinikler berip ótti.

  Soń jas shayır Allayar Dármenov sózge shıǵıp ol óziniń dóretpelerinen student – jaslarǵa oqıp berdi hám ushırasıw qatnasıwshıların qızıqtırǵan sorawlarına juwaplar berdi.

Filial Baspasóz xızmeti.