3-dekabr – Xalıqaralıq mayıplar kúni

   Densawlıǵında nuqsanı bar, ózgeler járdemine mútáj, mayıplıǵı bolǵan insanlarǵa járdem beriw, olarǵa ǵamxorlıq kórsetiw, ázel-ázelden xalqımızǵa tán eń aǵla pazıyletlerden biri sanaladı.  

   Búgin 3-dekabr – Xalıqaralıq mayıplar kúni múnásibeti menen Ózbekstan mámleketlik dene tárbiyası hám sport universiteti Nókis filialı direktorı filialda oqıp bilim alıp atırǵan studentler qatarındaǵı mayıplıǵı bolǵan studentler menen ushırastı.

   Ushırasıwda filial direktorı studentlerge professor-oqıtıwshılardıń berip atırǵan bilimlerin puqta ózlestirip, keleshekte ózleri tańlaǵan qánigeliklerdiń jetik mamanı bolıp shıǵıwlarına tilekleslik bildirdi.

   Soń filial direktorı B.Mambetov sáne múnásibeti menen tayarlanǵan sawǵa hám bazalıq stipendiyanıń eki esesi muǵdarındaǵı vaucherlerdi mayıplıǵı bolǵan studentlerge tapsırdı. Olarǵa oqıwlarında hám keleshektegi jumıslarında tasqın tabıslar tiledi.

   Student-jaslar sáne múnásibeti menen kórsetilip atırǵan bunday dıqqat-itibar ushın filial miynet jámááti aǵzalarına ózleriniń sheksiz minnetdarshılıǵın bildirdi.

Filial Baspasóz xızmeti.