Ózbekstan Respublikası Konstituciyası qabıl etilgenligine 8-dekabr kúni 30 jıl toldı.

   Sáne múnásibeti menen Qaraqalpaqstan Respublikası Ministrler Keńesiniń úlken májilisler zalında respublikamızdaǵı taraw bilsendilerin «Ózbekstan Konstituciyasınıń 30 jıllıǵı» estelik nıshanı menen sıylıqlaw máresimi bolıp ótti.

  Onda filialımızdan Baspasóz xatkeri Murat Tilewbaev hám «Jaslar menen islesiw, ruwxıylıq hám aǵartıwshılıq bólimi» baslıǵı Bekzad Sabirovta sıylıqlanǵanlar qatarında «Ózbekstan Konstituciyasınıń 30 jıllıǵı» estelik nıshanı menen sıylıqlandı.

  – Bul sıylıq men ushın kútilmegen bayram sawǵası boldı. Men búgin «Ózbekstan Konstituciyasınıń 30 jıllıǵı» estelik nıshanı menen sıylıqlanaman dep hesh oylaǵan joq edim. Ele jas bolıwıma qaramastan islegen azǵana miynetlerimdi bahalap atırǵan Prezidentimizge, húkimetimiz basshılarına hám filialımız direktorı Bayram aǵa Mambetovqa ózimniń sheksiz minnetdarshılıǵımdı bildiremen. Bul sıylıq maǵan, men qatarlı taraw belsendilerine itibar, olardıń miynetlerine berilgen baha dep bilemen.

  Bul bizler ushın  bayram sawǵası bolıw menen birge, óz ústimizde ele de kúsh-ǵayrat penen jigerlenip islewge túrtki boladı dep oylayman, – deydi Bekzad Sabirov   

  «Ózbekstan Konstituciyasınıń 30 jıllıǵı» estelik nıshanı menen sıylıqlanǵan M.Tilewbaev hám B.Savirovlardı filialımız atınan qutlıqlaymız hám aldaǵı jumıslarında tabıslar tileymiz.

Filial Baspasóz xızmeti.