Prezidentimizdiń baslaması menen hár jılı dekabr ayınıń ekinshi ekshembisi elimizde Awıl xojalıǵı xızmetkerleri kúni sıpatında keń túrde belgilenip kelinbekte.

   Usı jıldıń 11-dekabr kúni Atshabar maydanında Awıl xojalıǵı xızmetkerleri kúnine baǵıshlanıp bayram tamashaları bolıp ótti.

   Bayramnıń ashılıw saltanatında  Qaraqalpaqstan Respublikası Joqarǵı Keńesiniń Baslıǵı Amanbay Orınbaev sózge shıǵıp jıynalǵanlardı Awıl xojalıǵı xızmetkerleri kúni menen qutlıqladı.

  Soń bas bayraq ushın ortaǵa Ámiwdárya rayonınan Elyor Masharipov hám Nókis rayonınan Ózbekstan mámleketlik dene tárbiyası hám sport universiteti Nókis filialı studenti Zaxriddin Zaitov bellesti. Bir-birine múnásip palwanlar bellesiwinde Zaxriddin Zaitov jeńiske eristi.

  Qaraqalpaqstan        Respublikası Joqarǵı Keńesiniń Baslıǵı Amanbay Orınbaev palwanǵa bas bayraq – Prezident sawǵası Lasetti «Gentra» avtomashinasın saltanatlı túrde tapsırdı.

    Onnan soń bayram tamashaları arqan tartısıw, palwanlar bellesiwi, qoshqarlar urısı, báygige at shabısı, «qız quwıw», «teńge alıw», «kókpar» jarıslar diyqanlarımız tárepinen jetistirilgen awıl xojalıǵı ónimleriniń yarmarkası hám Qaraqalpaqstan kórkem óner ǵayratkerleriniń atqarıwındaǵı koncert baǵdarlaması menen ulasıp ketdi.

Filial Baspasóz xızmeti.