Qaraqalpaqstan Respublikası Joqarǵı Keńesi hám Ministrler Keńesi, Ózbekstan Respublikası Mádeniyat ministrligi, Máhálle hám nuranıylardı qollap-quwatlaw ministrligi, Respublika Mádeniyat hám ruwxıylıq orayı hám jámiyetshilik wákilleriniń usınısına tiykar Ózbekstan Respublikası Ministrler Kabinetiniń 2022-jıl 2-dekabr kúni «Belgili mámleketlik ǵayratker, Ózbekstan Qaharmanı Musa Tájetdinovich Erniyazovtıń 75 jıllıǵın keń túrde belgilew haqqında»ǵı qararı qabıl etilgen edi.

Usı qarar tiykarında Ózbekstan mámleketlik dene tárbiyası hám sport universiteti Nókis filialında «Ataqlı mámleketlik ǵayratker, Ózbekstan Qaharmanı Musa Tájetdinovich Erniyazov – jaslar qálbinde» atamasında eslew keshesi bolıp ótti.

         Eslew keshesin filial direktorı B.Mambetov kiris sóz benen ashıp berdi. Soń sózge shıqqan professor-oqıtıwshı hám student-jaslar belgili mámleketlik ǵayratker,  Ózbekstan Qaharmanı Musa Tájetdinovich Erniyazovtıń ómirbayanı, miynet jolı, ásirese, ertengi kúngi elimizdiń keleshegi bolǵan jaslarǵa jaratıp bergen imkaniyatları hám joqarı oqıw orınlarına qaratqan itibarı haqqında keń túrde toqtap ótti.

         Soń professor-oqıtıwshı hám student-jaslarǵa belgili mámleketlik ǵayratker, Ózbekstan Qaharmanı Musa Tájetdinovich Erniyazovtıń ómiri hám sociallıq-siyasiy iskerligi haqqında hújjetli film qoyıp berildi.

Filial baspasóz xızmeti.