Ózbekstan mámleketlik dene tárbiyası hám sport universiteti Nókis filialı «Dene tárbiya teoriyası hám gumanitar pánler» kafedrası baslıǵı Aysulıw Elmuratova, «Jeke gúres hám tábiyiy pánler» kafedrası stajyor-oqıtıwshısı Uluǵbek Jarılkapov hám «Sport oyınları» kafedrası stajyor-oqıtıwshısı Aynura Alimbetovalar Ózbekstan Respublikası Prezidentiniń 2020-jıl 2-oktyabr kúni Qaraqalpaqstan Respublikasına bolǵan saparı dawamında berilgen tapsırmalarınan kelip shıǵıp hám Ózbekstan Respublikası Prezidentiniń 2017-jıl 20-aprel kúngi «Joqarı bilimlendiriw sistemasın jánede rawajlandırıw is-ilajları haqqında»ǵı PQ-2909-sanlı hám 2018-jıl 5-iyun kúngi «Joqarı oqıw orınlarında bilim beriw sapasın asırıw hám olardıń mámlekette ámelge asırılıp atırǵan keń kólemli reformalarda belsendi qatnasıwın támiyinlew is-ilajları haqqında»ǵı PQ-3775-sanlı qararına tiykarlanıp hám filialdıń 2022-2026-jıllarǵa mólsherlengen maqsetli kórsetkishlerine muwapıq 2022-jıl ushın professor-oqıtıwshılardı sırt eldiń joqarı oqıw orınlarına ilimiy tájriybe almasıwǵa jiberiw boyınsha waziypalardan kelip shıǵıp Top – 1000 lıq quramındaǵı abıroylı joqarı oqıw orınlarınıń biri bolǵan Qazaqstan Respublikasınıń L.N.Gumilyov atındaǵı Evraziya milliy universitetine qısqa múddetli ilimiy tájriybe almaspaqta.

   Bul qısqa múddetli tájriybe almasıw filialdıń oqıw – metodikalıq hám ilimiy baǵdardaǵı jumıslarına sırt el Top – 1000 lıq quramına kirgen joqarı oqıw orınlarınıń tájriybelerin engiziwde áhmiyeti úlken esaplanadı.

Filial Baspasóz xızmeti.