Mámleketimizde ámelge asırılıp atırǵan keń kólemli reformalarda student-jaslardıń belsene qatnasıwın támiyinlew, joqarı mánawiyatlı, huqıqıy sawatlı, erkin pikirleytuǵın jaslardı tárbiyalaw, studentler arasında jat illetlerge qarsı immuniteti qáliplestiriw, olardıń bos waqıtların mazmunlı shólkemlestiriw, sonday-aq, studentlerdiń intellektual bilimleriniń teoriyalıq hám ámeliy dárejesin anıqlaw maqset usı jıldıń 27-oktyabr kúni Ózbekstan mámleketlik dene tárbiyası hám sport universiteti Nókis filialı student-jasları arasında «Direktor kubogı» turniri ushın gruppalar arasında «Zakawat» intellektual oyınına start berilgen edi.

  Bilimliler ishinen bilimli, ziyrek hám shaqqan student-jaslardı anıqlaytuǵın «Direktor kubogı» turniri ushın ótkerilgen «Zakawat» intellektual oyınında jámi 120 soraw oynaldı.

  Turner juwmaǵında jeńimpaz komanda aǵzaların saltanatlı túrde sıylıqlaw máresimi bolıp ótti.

 Sıylıqlaw máresimine filial direktorı B.Mambetov qatnastı hám jeńimpaz komanda aǵzaların erisken tabısları menen qızǵın qutlıqlap, aldaǵı oqıwlarında tabıslar tiledi.

 Soń filial direktorı B.Mambetov 1-orındı iyelegen «Olimpik» komandası aǵzalarınıń hár birine bazalıq stipendiyanıń eki esesi muǵdarında aqshalay sıylıq hám Diplom, 2-orındı iyelegen «Olimp» komandası aǵzalarınıń hár birine bazalıq stipendiyanıń bir yarım esesi muǵdarında aqshalay sıylıq hám Diplom hám 3-orındı iyelegen «Jigitler» komandası aǵzalarınıń hár birine bazalıq stipendiyanıń bir esesi muǵdarında aqshalay sıylıq hám Diplomların saltanatlı túrde tapsırdı.

Filial Baspasóz xızmeti.