Búgin Ózbekstan mámleketlik dene tárbiyası hám sport universiteti Nókis filialında Ózbekstan Respublikası Prezidenti Shavkat Mirziyoyevtiń 2022-jıl 20-dekabr kúngi Oliy Majliske hám Ózbekstan xalqına Múrájatı hám  jańa redakciyadaǵı Miynet kodeksiniń mazmun-mánisi hám áhmiyetin keń jámiyetshilikke túsindiriw maqsetinde Ózbekstan kásiplik awqamları Federaciyası Qaraqalpaqstan keńesi baslıǵı, senator Uluǵbek Jalmenov penen filial professor – oqıtıwshılarınıń qatnasıwında ushırasıw bolıp ótti.

   Ushırasıwdı filial direktorınıń Jaslar máseleleri hám ruwxıy-aǵartıwshılıq isleri boyınsha birinshi orınbasarı Darmenbay Nurıshov kiris sóz benen ashtı hám alıp bardı.

  Soń senator Uluǵbek Jalmenov sózge shıǵıp, ol óz sózinde Ózbekstan Respublikası Prezidenti Shavkat Mirziyoyevtiń Oliy Majliske hám respublikamız xalqına Múrájatı jáne onda belgilep berilgen wazıypalar haqqında keń túrde toqtalıp ótti. Ásirese, prezident Múrájatnamasında 2023-jıldı «Insanǵa itibar hám sapalı bilimlendiriw jılı» dep atama beriwdi usınıs etiwiniń ózinde tereń máni bar ekenligin ayrıqsha atap ótti.

  Bunnan tısqarı sońǵı jıllarda respublikamızda joqarı bilimlendiriw tarawında ámelge asırılıp atırǵan keń kólemli reformalardıń nátiyjesinde jaslardı joqarı bilimlendiriwge qamtıp alıw dárejesi aldınǵı jıllarda 9 procent bolǵan bolsa, búgingi kúnge kelip 38 procentke kóterilgenligin maqtanısh penen tilge aldı hám Múrájatta joqarı bilimlendiriwde oqıtıwdıń sapasın arttırıw hár bir joqarı oqıw ornı jámáátiniń,  professor-oqıtıwshılarınıń tiykarǵı maqseti bolıwı kerekligi atap ótildi.

  Ushırasıw sońında qatnasıwshılar ózlerin qızıqtırǵan sorawlarına juwaplar aldı.

Filial Baspasóz xızmeti.