Respublikamız boylap dawam etip atırǵan anomal suwıq temperatura sebepli qubırlarda gaz basımınıń keskin tómenlewi baqlanbaqta.

Sonlıqtan tábiyǵıy gazdi birinshi gezekte xalıqtıń turaq jayları, elektr energiyasın islep shıǵaratuǵın kárxanalar hám sociallıq taraw obyektlerine jetkerip beriw maqsetinde ayırım iri óndirislik sanaat kárxanalarına tábiyǵıy gaz jetkerip beriw kólemi keskin kemeytiliwi, sonday-aq, avtomobillerge gaz toltırıw kompressor shaqapshalarınıń jumısları qısqa múddetke waqıtsha toqtatılıwı haqqında xabar berildi.

  Usılardı inabatqa alıp Ózbekstan mámleketlik dene tárbiyası hám sport universiteti Nókis filialı student-jaslardıń oqıwǵa kelip-ketiwi menen baylanıslı transport mashqalaları júzege keliwin esapqa alıp, oqıw procesin 2023-jıldıń 16-yanvar sánesinen baslawdı rejelestirmekte.

 Oqıw procesiniń baslanıwı hawa rayı hám energiya menen támiyinlew jumıslarına tikkeley baylanıslı bolǵanlıǵı sebepli bul haqqındaǵı qosımsha maǵlıwmatlardı filialdıń rásmiy veb-saytı hám sociallıq tarmaqlardaǵı kanalları arqalı járiyalaymız.

Filial Baspasóz xızmeti