Elimizde biznes penen shuǵılanaman yaki isbilermenligimdi rawajlandıraman degen puqaralar ushın barlıq sharayatlar jaratılǵan.

Búgin Ózbekstan mámleketlik dene tárbiyası hám sport universiteti Nókis filialı janınan «Qdrnıyazov Abdiraxman» juwapkershiligi sheklengen jámiyeti tárepinen hár qanday jastaǵı insanlardıń durıs awqatlanıw raconı boyınsha jańadan joybar sheńberinde jeke isbilermen Abdiraxman Qdrnıyazov óz qarjısı hám “MIKROKREDITBANK” AKB Qaraqalpaqstan Respublikası filialınıń krediti tiykarında sıyımlılıǵı 25 orınlıq «Sport-salamatlıq orayı» atlı awqatlanıw ornınıń saltanatlı ashılıw máresimi bolıp ótti.

  Awqatlanıw ornına juwapkershiligi sheklengen jámiyeti baslıǵı Abdiraxman Qdrnıyazov tárepinen Nókis qalasında jasawshı tórt jumıssız puqara turaqlı jumıs ornı menen támiyinlendi.

  Búginnen baslap Ózbekstan mámleketlik dene tárbiyası hám sport universiteti Nókis filialı janınan «Sport-salamatlıq orayı» atlı awqatlanıw ornı óz jumısın basladı.

Filial Baspasóz xızmeti.